KASU ARRAKASTATSUAK

Repsol: Espainiako birkarga ultra-lasterreko lehen zerbitzugunea

Lopidako (Araba) Repsolen zerbitzugunean kokatutako instalazioak aukera ematen du potentzia hori jasaten duten ibilgailu elektrikoak bost eta hamar minutu artean birkargatzeko (depositua normal betetzearen antzera).

Birkarga ultra-lasterreko sistema berria, gehienez 700 kW-ko potentzia duena (potentzia hori hornikuntza-puntu desberdinen artean bana daiteke, ibilgailuen karga-gaitasunaren arabera), aurrerapen handia da ibilgailu elektrikoaren erabilerarentzat, hiriarteko garraiobide gisa.

Sarea jartzea, negozio jasangarria sustatzeko lehen pausoa

U Energía nazio-mailako energia elektrikoaren merkaturatzaile eta telekomunikazio-operadorea da; helbide soziala eta egoitza nagusia Balear Uharteetan ditu.

Orain ibilgailu elektrikoak birkargatzeko puntuen sare bat jartzen hasi da Mallorcan. Lehen puntua Sóllerren jarri du, Marina hoteleko bezeroei zerbitzu emateko. Proiektu horrekin, U Energíak pauso bat gehiago ematen du energia berriztagarriak eta ingurumenarekiko errespetuzkoak sustatzeko bere apustu argi eta sendoan.

Uharteko lehen karga-zerbitzugunea da, baina gehiago ere jarriko dira, bertako biztanleei eta kanpotarrei zerbitzu emateko. Instalazio bakoitzak modu independentean funtzionatzen du eta urrutitik kontrolatzen da, alokatzaileak esku hartu behar izan gabe eta konplikaziorik gabe.

OEM kontzesionarioen elektrifikazioa

2011tik, IBILek beste OEM batzuei lagundu die sarea elektrifikatzeko prozesuan, ibilgailu elektrikoaren lehen salmenta-puntuetan; horretarako, zenbait esparru-akordio egin ditu. Zerbitzu orokorra ematen die hala fabrikatzaileari nola kontzesionarioen sareari, batera lan eginez eskatzen dizkieten B2B eta B2C operazio guztietan.

ASISA, Madrilgo erdigunera mugarik gabe sartzen den talde medikoa

Enpresa askok kontuan hartu behar dute Madril bezalako hiri handien erdigunera sartzeko mugak dituztela.

ASISAko medikuek etxez etxeko bisitak egiten dizkiete pazienteei; hortaz, zerbitzuaren azkartasuna lehentasunezkoa da beraientzat. Mugikortasun elektrikorako aldaketari esker (11 terminal jarri dituzte 5 egoitzatan), denbora eta urtean gutxi gorabehera 16.000 € aurreztu dituzte, ibilgailuak aparkatzeagatiko eta erabiltzeagatiko isunak saihestu baitituzte.

Nazioarteko handizkako ehun-enpresa

Ekipamenduak eta zerbitzuak hornitzea, instalatzea eta horien mantentze-lanak egitea bere egoitza korporatiboan eta Espainiako geografiako hainbat probintziatan dituen zortzi plataforma logistikoetan, ekipamenduen % 97 baino gehiagoko erabilgarritasunarekin.

Etengabe zabaltzen ari den birkarga-sarea du, eta IBILek laguntza eta aholkularitza ematen dio konpainiari mugikortasun elektrikoaren arloan erabakiak hartzeko garaian.

Talleres Luis Santamaría, mugikortasun elektrikorako zerbitzuak eskaini dituen lehen enpresetako bat

Talleres Luis Santamaría enpresak negozio-aukera ikusi du mugikortasun jasangarrian, eta dagoeneko bereizi da bere lehiakideetatik; izan ere, bere tailerra egokitu du, ibilgailu elektrikoei zerbitzu hobea eskaintzeko.

Halako ibilgailuentzako tresna espezifikoen gune bat jarri du eta birkarga-ekipamendu bat instalatu du; hala, bere eskaintza zabaltzea eta horren balioa areagotzea lortu du, bezeroak erakartzeko eta lehendik dituenak fidelizatzeko.

24×7 zerbitzua, ezinbestekoa Smatsa enpresak kudeaketa fidagarria eta erregularra eskaintzeko

Duela 40 urte baino gehiagotik, Serveis Medi Ambient SA (Smatsa) enpresak kudeatzen du Sabadell hiriko hondakinen bilketa eta kaleen garbiketa.

Gaur egun, enpresak birkarga-terminalak ditu hainbat lan-zentrotan, eta IBILen bezeroen plataformatik, egiten dituzten kontsumoei buruzko datu interesgarriak berrikusten dituzte.
Smatsa-ren zerbitzua 24 ordukoa denez (urteko 365 egunetan), lasaitasun handia ematen die IBILek bezeroentzako 24×7 arreta ematen duela jakiteak.

Azken miliako banaketa furgoneta elektrikoekin

2005etik, Supermercados Condis enpresak agerian utzi du ingurumenarekin duen konpromisoa, mugikortasun jasangarriko proiektuen bidez.

Gaur egun, 5 basetan banatutako 9 birkarga-puntu ditu. Mota horretako birkarga-zerbitzuari esker, denbora aurrez dezakete; izan ere, ibilgailuak gauez kargatzen dituzte eta, hala, egunez prest daude entregak egiteko. Inbertsio-kostuetan aurrezteaz gain, langileek mota horretako furgoneten arintasuna, azelerazioa eta zaratarik eza nabarmendu dituzte.